سيمينار ڊفينس انڊسٽريل پروڊڪشن ريگيوليٽري اٿارٽي پاران پي او ايف واهه ۾ منعقد ڪيو ويو.
سيمينار ۾ سرڪاري شخصيتن، دفاعي پيداوار سان لاڳاپيل ادارن، نجي شعبي، تعليمي ادارن ۽ سيڙپڪارن شرڪت ڪئي. سيمينار جو مقصد پاڪستان جي دفاعي پيداوار جي شعبي ۾ سرڪاري ۽ خانگي شعبن جي وچ ۾ تعاون کي وڌيڪ مضبوط ڪرڻ هو.
ڊيپرا جي چيئرمين دفاعي صنعت ۾ ٽيڪنالاجي جي جدت، مقامي صلاحيتن جي ترقي ۽ پبلڪ پرائيويٽ پارٽنرشپ کي مضبوط ڪرڻ تي زور ڏنو. هن چيو ته مقابلي واري ۽ خود انحصار دفاعي صنعت جي قيام سان دفاعي برآمدات ۽ ملڪ جي معاشي ترقي ۾ مدد ملندي.
سيمينار ۾ عالمي دفاعي منڊي ۾ اڀرندڙ موقعن، صنعتي تعاون جي امڪانن ۽ برآمدات تي به بحث ڪيو ويو. ان موقعي تي ريگيوليٽري سسٽم جي بهتري، سيڙپڪاري کي هٿي وٺرائڻ ۽ مقامي سطح تي دفاعي شين جي پيداوار ۾ واڌ تي خيالن جي ڏي وٺ ڪئي وئي.
چيئرمين ڊاپرا سمورن ڀائيوارن جو شڪريو ادا ڪيو ۽ ان اعتماد جو اظهار ڪيو ته هي سيمينار دفاعي برآمدات کي وڌائڻ ۾ مددگار ثابت ٿيندو.
