اسلام آباد:
اسلام آباد جي ضلعي ۽ سيشن عدالتن پاڪستان تحريڪ انصاف جي اڳواڻ عمر ايوب خان کي 26 نومبر واري احتجاج ڪيس ۾ اشتهاري قرار ڏئي ڇڏيو.
جڊيشل مئجسٽريٽ شائستہ ڪنڊي ڪيس جي ٻڌڻي ڪئي، جنهن دوران عدالت عمر ايوب جا ضمانت نه ٿيڻ جوڳا گرفتاري وارنٽ جاري ڪيا.
عدالتي حڪم موجب مسلسل طلب ڪرڻ باوجود جوابدار عدالت ۾ پيش نه ٿيا، جنهن تي کيس اشتهاري قرار ڏيڻ جي ڪارروائي ڪئي وئي.
پوليس موجب عمر ايوب خلاف ٿاڻي سيڪريٽريٽ ۾ قلم 144 ۽ ٻين شقن تحت ڪيس داخل ڪيو ويو آهي.
