پاڪستاني فاسٽ بالر حسن علي سان منسوب هڪ وڊيو سوشل ميڊيا تي وائرل ٿي رهي آهي.
وائرل وڊيو ۾ دعويٰ ڪئي پئي وڃي ته حسن علي کي ڀارت ۾ ٽرين ۾ پاڪيٽ ڪڍندي پڪڙيو ويو ۽ بعد ۾ ان تي تشدد ڪيو ويو.
بهرحال اها دعويٰ بي بنياد ثابت ٿي چڪي آهي ۽ وڊيو ۾ موجود شخص حسن علي ناهي.
حسن علي جي گهر واري ساميا خان به انهن افواهن کي رد ڪندي چيو ته سندس خاندان گذريل ٽن سالن کان ڀارت ناهي ويو.
هن ماڻهن کي اپيل ڪئي ته بغير تصديق جي معلومات شيئر نه ڪن.
سامعه خان جعلي خبرن جي تيزيءَ سان پکڙجڻ تي افسوس جو اظهار ڪندي چيو ته سچ ڄاڻڻ کان اڳ ڪنهن به دعويٰ تي اعتبار نه ڪرڻ گهرجي.
