پاڪستان جي فيشن انڊسٽري جي مشهور اڳوڻي ماڊل سحرش جي هاڻوڪي حالت سوشل ميڊيا صارفين کي مايوس ڪري ڇڏيو آهي. ڪنهن وقت ريمپ تي پنهنجي خوبصورتي ۽ ڪامياب ماڊلنگ جي ڪري مشهور سحرش اڄڪلهه سخت صورتحال کي منهن ڏئي رهي آهي.
رپورٽن مطابق سحرش 2010ع جي شروعات ۽ وچ ۾ پاڪستان جي ٽاپ ماڊلز مان هڪ هئي، پر سندس ذاتي زندگي افسوسناڪ واقعن سبب اُلٽي ٿي وئي.
ٻڌايو پيو وڃي ته شادي ناڪام ٿيڻ بعد هوءَ سخت ڊپريشن جو شڪار ٿي وئي، جنهن بعد هن منشيات جو استعمال شروع ڪيو. ان دوران، هن هڪ وقت کان اڳ پٽ کي جنم ڏنو، جيڪو بعد ۾ هن کان جدا ٿي ويو. رپورٽن مطابق سحرش جو پنهنجي پٽ سان ڪوبه رابطو ناهي، جڏهن ته سندس اڳوڻو مڙس به کيس ٻار سان ملڻ جي اجازت نٿو ڏئي.
رپورٽن ۾ اهو به ٻڌايو ويو آهي ته تازو هڪ حادثي ۾ سندس پير ٽرين هيٺان ڪري پيو، جنهن سبب هوءَ سخت زخمي ٿي پئي ۽ هاڻي کيس هلڻ ۾ ڏکيائي پيش اچي رهي آهي.
هڪ خانگي نيوز پليٽ فارم تان سحرش جي هاڻوڪي حالت جي رپورٽ ۽ وڊيو سامهون اچڻ کانپوءِ سندس زندگي جي اها دردناڪ ڪهاڻي سوشل ميڊيا تي بحث جو موضوع بڻجي وئي. رپورٽ ۾ انهن کي انتهائي مشڪل حالتن ۾ ڏيکاريو ويو، جنهن تي صارفين افسوس ۽ ڳڻتي جو اظهار ڪيو.
سوشل ميڊيا تي ڪيترن ئي ماڻهن انهن جي بحالي لاءِ قدمن جي ضرورت تي زور ڏنو. ڪجهه صارفين جو چوڻ هو ته سحرش کي فوري طور تي ريهاب سينٽر منتقل ڪيو وڃي ته جيئن منشيات کان نجات حاصل ڪئي وڃي، جڏهن ته ٻين ان کي شوبز انڊسٽري جي تلخ حقيقت قرار ڏنو. ڪيترن ئي صارفين اهو به راءِ ڏنو ته منشيات جي استعمال کي ڇڏي ڏيڻ کان سواءِ عام زندگي ڏانهن موٽڻ ممڪن ناهي.
اڳوڻي ماڊل جي افسوسناڪ صورتحال هڪ ڀيرو ٻيهر شوبز انڊسٽري ۾ ذهني صحت، منشيات جي استعمال ۽ فنڪار جي ڀلائي بابت سنگين سوالن کي اجاگر ڪيو آهي.
