وفاقي حڪومت خرچن کي ڪنٽرول ۾ رکڻ لاءِ هلندڙ مالي سال 2026-2027 ۾ سادگي واري پاليسي برقرار رکڻ جو نوٽيفڪيشن جاري ڪري ڇڏيو آهي.
حڪومت طرفان جاري ڪيل نوٽيفڪيشن ۾ چيو ويو آهي ته حڪومت هلندڙ مالي سال 2026-2027 لاءِ سستي قدمن کي جاري رکڻ جي منظوري ڏئي ڇڏي آهي.
ناڻي واري وزارت وفاقي خرچن تي ضابطو آڻڻ جو نوٽيفڪيشن جاري ڪري ڇڏيو آهي، جنهن ۾ چيو ويو آهي ته 2023 ۽ 2024 ۾ منظور ڪيل سادگي جا قدم مالي سال 2026-2027 تائين جاري رهندا.
نوٽيفڪيشن موجب سادگي جا قدم وفاقي کاتن، رياستي ادارن، خودمختيار ۽ قانوني ادارن ۽ ريگيوليٽري اٿارٽيز تي به لاڳو ڪيا ويندا.
ڪابينا سادگي واري ڪميٽي کي ڪيس ٽو ڪيس جي بنياد تي رعايت ڏيڻ جو به اختيار ڏنو آهي ۽ سمورن وزارتن، ڊويزنن ۽ لاڳاپيل ادارن کي هدايت ڪئي وئي آهي ته هو نوٽيفڪيشن تي سختي سان عمل ڪن.
