اسپينش فٽبال ليگ لا ليگا جي صدر جاويئر ٽيباس فيفا جي صدر گياني انفنٽينو کي استعيفيٰ ڏيڻ جو مطالبو ڪيو آهي.
عالمي خبرون ڏيندڙ اداري موجب لا ليگا جي صدر جيويئر ٽيباس الزام لڳايو آهي ته هو عالمي ٽورنامنٽس جي غير ضروري توسيع سان عالمي فٽبال سسٽم کي نقصان پهچائي رهيا آهن.
هڪ اطالوي اخبار کي ڏنل انٽرويو ۾ ٽيباس چيو ته کيس يقين آهي ته انفنٽينو جو دور ختم ٿي چڪو آهي ۽ کيس عهدو ڇڏڻ گهرجي.
تباس جو چوڻ هو ته فيفا پاران ورلڊ ڪپ ۽ ٻين مقابلن ۾ لڳاتار واڌ سبب مقامي ليگز ۽ ڪلبن تي اضافي بار وڌو ويو آهي، جڏهن ته ميچن جي ڇڪتاڻ سبب رانديگرن جا شيڊول به متاثر ٿيا آهن.
سندس چوڻ هو ته فٽبال سان لاڳاپيل ڪيترائي ماڻهو پرائيويٽ طور تي انفنٽينو جي پاليسين سان اختلاف رکن ٿا پر ڪير به سندس خلاف هلڻ لاءِ تيار ناهي ڇو ته موجوده نظام ۾ ڪاميابي جا امڪان گهٽ آهن.
لا ليگا جي سربراهه آمريڪي فارورڊ فولرين بالوگن جي معطلي کي وڌائڻ جي فيصلي تي پڻ سوال ڪيو، ان کي هڪ تشويش سڏيو.
هن چيو ته جيڪڏهن ان معاملي جا مختلف نتيجا نڪرندا ته فيفا قيادت لاءِ وڏو بحران پيدا ٿي سگهي ٿو.
تباس جي مطابق، اهڙا واقعا صرف وڏن مسئلن جي هڪ جھلڪ آهن.
