پاڪستان وومين جونيئر هاڪي ٽيم هڪ ٻيو سنگ ميل عبور ڪندي 14 سالن جي ڊگهي وقفي کانپوءِ وومين جونيئر ايشيا ڪپ 2026ع لاءِ ڪواليفائي ڪري ورتو آهي.
ان ڳالهه جي باضابطه طور تي ايشين هاڪي فيڊريشن (AHF) پاڪستان هاڪي فيڊريشن (پي ايڇ ايف) کي موڪليل هڪ رسمي خط ذريعي تصديق ڪئي آهي.
ايشين هاڪي فيڊريشن جي صدر فوميو اوگورا طرفان موڪليل مبارڪي واري خط ۾ چيو ويو آهي ته قومي جونيئر وومين ٽيم اها تاريخي ڪاميابي پنهنجي شاندار ڪارڪردگي ۽ وومينز جونيئر ايڇ ايف ڪپ 2026ع ۾ بهترين فائنل رينڪنگ جي بنياد تي حاصل ڪئي آهي.
پاڪستان هاڪي فيڊريشن جي عهديدارن ان شاندار ڪاميابي تي ٽيم جي رانديگرن، آفيشلز ۽ ڪوچنگ اسٽاف کي مبارڪباد پيش ڪندي ان کي قومي وومين هاڪي جي بحالي ۽ روشن مستقبل جي طرف هڪ اهم قدم قرار ڏنو آهي.
