چيڪ ريپبلڪ جي اوڀرندي حصي ۾ فوجي هيلي ڪاپٽر ڪري تباهه ٿي ويو، جنهن جي نتيجي ۾ هڪ فوجي مارجي ويو ۽ ٽي زخمي ٿي پيا.
عالمي خابرو اداري موجب چيڪ وزارت دفاع ۽ فوج پاران جاري ڪيل بيان ۾ چيو ويو آهي ته حادثو اربع ڏينهن نموشتناد اوسلاوو ايئر فورس بيس تي پيش آيو، جيڪو گادي واري هنڌ پراگ کان 180 ڪلوميٽر ڏکڻ اوڀر ۾ واقع آهي.
هيلي ڪاپٽر جيڪو ڪري تباهه ٿيو اهو UH-1Y وينوم هو، جنهن ۾ ڪل 5 فوجي اهلڪار سوار هئا. حادثي ۾ هڪ اهلڪار موقعي تي ئي فوت ٿي ويو، جڏهن ته ٽن زخمين کي فوري طور تي ويجهي اسپتال منتقل ڪيو ويو.
مقامي ميڊيا جي رپورٽن موجب هيلي ڪاپٽر معمول جي فوجي تربيتي سرگرمي جي حصي طور اڏام ڪري رهيو هو، پر آفيسرن اڃا تائين باضابطه طور تي ان ڳالهه جي تصديق نه ڪئي آهي. پاڪ فوج حادثي جا سبب معلوم ڪرڻ لاءِ اسپيشل جاچ ٽيم جوڙي ڇڏي آهي.
چيڪ اختيارين جو چوڻ آهي ته هو جاچ ڪري رهيا آهن ته حادثو فني خرابي، موسمي خرابي يا انساني غلطي جي ڪري پيش آيو. جاچ جا نتيجا ميڊيا کي آگاهه ڪيا ويندا.
