عالمي مارڪيٽ ۾ تيل جي قيمت ۾ رڪارڊ گهٽتائي

عالمي مارڪيٽ ۾ غير يقيني صورتحال دوران خام تيل جي قيمت ۾ 5 سيڪڙو کان وڌيڪ گهٽتائي رڪارڊ ڪئي وئي. پرڏيهي خابرو اداري جي رپورٽ موجب واپاري وچ اوڀر ۾ جاري حملن جي عالمي سطح تي خام تيل جي سپلاءِ تي امڪاني اثرن جو جائزو وٺي رهيا آهن، جنهن سبب عالمي بينچ مارڪ آئل ڪانٽريڪٽ برنٽ جي قيمت ۾ 5 سيڪڙو کان وڌيڪ گهٽتائي رڪارڊ ڪئي وئي آهي. رپورٽ ۾ چيو ويو آهي ته خميس ڏينهن برينٽ خام تيل جي قيمت 95.61 ڊالر في بيرل تائين گهٽجي وئي جڏهن ته خميس تي 100 ڊالر في بيرل کي پار ڪيو ويو. ٻئي طرف آمريڪي خام تيل ويسٽ ٽيڪساس انٽرميڊيٽ جو اگهه به 4.1 سيڪڙو گهٽتائي سان 88.40 ڊالر في بيرل ٿي ويو. واپاري پليٽ فارم IG تي چيف مارڪيٽ تجزيه نگار ڪرس بيوچمپ چيو آهي ته هڪ هفتي جي مسلسل حاصلات کان پوءِ ، تيل جي قيمتون آخرڪار نفعو وٺڻ واري رجحان جي ڪري گهٽجي ويون آهن. واضح رهي ته وفاقي حڪومت پاڪستان ۾ مسلسل پنجين ڏينهن پيٽروليم شين جي اگهن ۾ واڌ ڪري رهي آهي ۽ 25 جولاءِ لاءِ پيٽرول جي في ليٽر قيمت 335 رپيا 18 پيسا ۽ ڊيزل جي في ليٽر قيمت 383 رپيا 46 پيسا مقرر ڪئي وئي آهي. گذريل ڏينهن به پيٽرول ۽ ڊيزل جي قيمت ۾ بالترتيب 4 رپيا 40 پئسا ۽ 3 رپيا 62 پئسا في ليٽر واڌ ڪئي وئي هئي.



Source link