بنگلاديش جي دوري لاءِ پاڪستان ڪرڪيٽ جي ٽيسٽ ٽيم مئنيجمينٽ ۾ وڏين تبديلين جو امڪان آهي، ذريعن موجب عمر گل، اسد شفيق ۽ عبدالسعد کي نيون ذميواريون ڏيڻ جو امڪان آهي. ذريعن موجب عمر گل کي ٽيسٽ ٽيم جو بالنگ ڪوچ جڏهن ته اسد شفيق کي بيٽنگ ڪوچ مقرر ڪري سگهجي ٿو. ٻئي طرف عبدالسعد ٽيم جي فيلڊنگ ڪوچ لاءِ مضبوط اميدوار آهي، هو ان کان اڳ پاڪستان وومين ٽيم سان گڏ ڪم ڪري چڪو آهي ۽ پهريون ڀيرو مردن جي ٽيم جي ذميواري سنڀالي سگهي ٿو. هيڊ ڪوچ جي عهدي لاءِ اڳوڻي ڪپتان سرفراز احمد جو نالو به تقريباً فائنل ٿي ويو آهي، جنهن جو باضابطه اعلان ايندڙ ڪجهه ڏينهن ۾ ڪيو ويندو. ذريعن موجب پاڪستان ٽيسٽ ٽيم ۽ انتظاميا جو باضابطه اعلان جلد متوقع آهي، جڏهن ته ٽيم ايندڙ مهيني بنگلاديش جو دورو ڪرڻ واري آهي، جتي ٻه ٽيسٽ ميچون کيڏيون وينديون. پهرين ٽيسٽ 8 مئي ۽ ٻي ٽيسٽ 16 مئي تي شيڊول ڪئي وئي آهي.
Source link
Leave a Comment Leave a Comment
