ناڻي واري وفاقي وزير سينيٽر محمد اورنگزيب واشنگٽن ڊي سي ۾ امريڪي ڪامرس سيڪريٽري هاورڊ لٽينڪ سان ملاقات ڪئي جنهن ۾ ٻطرفي اقتصادي ڀائيواري کي هٿي وٺرائڻ تي خيالن جي ڏي وٺ ڪئي وئي.
ناڻي واري وزارت موجب آمريڪا جي واپار واري وزير ۽ ناڻي واري وزير محمد اورنگزيب سان واشنگٽن ڊي سي ۾ ورلڊ بينڪ ۽ آءِ ايم ايف جي اسپرنگ ميٽنگ 2026ع جي موقعي تي ملاقات ٿي.
ملاقات ۾ واپار کي هٿي وٺرائڻ، سيڙپڪاري جي وهڪري کي وڌائڻ ۽ خانگي شعبي جي شموليت کي آسان بڻائڻ تي ڌيان ڏنو ويو.
ملاقات ۾ مائننگ، توانائي ۽ انفارميشن ٽيڪنالاجي سميت اهم شعبن ۾ تعاون تي به ڳالهه ٻولهه ڪئي وئي جڏهن ته گڏيل دلچسپي جي بنياد تي اقتصادي تعاون جي نون موقعن کي استعمال ڪرڻ تي به زور ڏنو ويو.
