– اشتهار –
آمريڪي صدر ڊونلڊ ٽرمپ چيو آهي ته کيس ٻڌايو ويو آهي ته ايران ۾ قتل عام بند ٿي ويو آهي. وائيٽ هائوس ۾ ميڊيا سان ڳالهائيندي آمريڪي صدر چيو ته کيس ٻڌايو ويو آهي ته ايران ۾ موت جي سزا جو ڪو به منصوبو ناهي ۽ ايران ۾ به موت جي سزا تي عمل روڪيو ويو آهي. ڊونلڊ ٽرمپ هڪ ڀيرو ٻيهر ايران کي خبردار ڪيو آهي ته جيڪڏهن مظاهرين تي تشدد جاري رهيو ته سخت جواب ڏنو ويندو. آمريڪي صدر جو وڌيڪ چوڻ هو ته وينزويلا ۾ راز فاش ڪندڙ شخص کي گرفتار ڪيو ويو آهي، پينٽاگون جي هڪ ٺيڪيدار کي وينزويلا آپريشن بابت ڳجهي معلومات ظاهر ڪرڻ تي گرفتار ڪيو ويو آهي، وينزويلا ۾ 30 ڏينهن اندر چونڊون ڪرايون وينديون. ٽرمپ جو چوڻ هو ته کين گرين لينڊ جي ضرورت آهي، ڏسون ته گرين لينڊ جي حوالي سان اڳتي ڇا ٿو ٿئي، ڊنمارڪ سان سٺا لاڳاپا آهن، هو گرين لينڊ واري معاملي تي ڊنمارڪ تي ڀروسو نٿو ڪري سگهي. آمريڪي صدر چيو ته هن واپار ذريعي دنيا ۾ 8 جنگيون روڪيون ويون آهن. ان دوران آمريڪي صدر ڊونلڊ ٽرمپ معدني ذخيرن بابت ايگزيڪيوٽو آرڊر تي دستخط ڪري ڇڏيا آهن.
