مسلم ليگ (ن) جي صدر ميان نواز شريف ۽ پنجاب جي وڏي وزير مريم نواز جي صدارت هيٺ ٿيل خصوصي اجلاس ۾ مري ۽ ڪوٽلي ساٿين جي ترقي ۽ سياحت جي فروغ بابت اهم فيصلا ڪيا ويا.
اجلاس ۾ ڪوٽلي ستيان ۾ پنجاب جي پهرين آسماني شيشي جي پل جي تعمير جي اصولي منظوري ڏني وئي، جڏهن ته مري ۾ لينڊ سلائيڊنگ کي منهن ڏيڻ ۽ متاثر علائقن جي بحالي ۽ امدادي ڪمن کي تيز ڪرڻ لاءِ عالمي ماهرن کي گهرائڻ جي هدايت ڪئي وئي.
اجلاس ۾ مري ۾ 3 نوان هاسپيٽلٽي زون قائم ڪرڻ، خانگي شعبي جي سهڪار سان 5 اسٽار هوٽلن جي تعمير، روڊن کي وسيع ڪرڻ ۽ شيشي ٽرين منصوبي جي جلد شروعات جا هدف مقرر ڪيا ويا.
ان کان علاوه سياحت کي فروغ ڏيڻ لاءِ نوان پارڪ، زولوجڪ گارڈن، ايڪو زون، گليمپنگ پوڊ ڳوٺ ۽ پيرا گلائيڊنگ ڪلب قائم ڪرڻ جي منظوري ڏني وئي، جڏهن ته بلڪ واٽر سپلاءِ اسڪيم ۽ رين واٽر هاريسٽنگ منصوبن تي اڳڀرائي جو جائزو ورتو ويو ته جيئن پاڻي جي فراهمي کي بهتر بڻائي سگهجي.
اجلاس ۾ پنجاب ۾ سرڪاري عمارتن جي بهتر سار سنڀال لاءِ فيليليٽ مئنيجمينٽ يونٽ قائم ڪرڻ جي به اصولي منظوري ڏني وئي.
