لاهور:
آبادي جي لحاظ کان سڀ کان وڏو صوبو پنجاب ملڪ جو تعليمي مرڪز سمجهيو وڃي ٿو پر اڄ به پنجاب ۾ لکين ٻار اسڪولن کان ٻاهر آهن.
سرڪاري ۽ عالمي رپورٽن موجب غربت، مهانگائي، استادن جي کوٽ، بنيادي سهولتن جي کوٽ ۽ والدين جون مالي مشڪلاتون ٻارن جي تعليم ۾ سڀ کان وڏي رڪاوٽ آهن.
يونيسيف ۽ پاڪستان انسٽيٽيوٽ آف ايجوڪيشن جي رپورٽن موجب پاڪستان ۾ 25 ملين کان وڌيڪ ٻار اسڪول نٿا وڃن، جڏهن ته سڀ کان وڌيڪ انگ پنجاب ۾ آهي.
تعليمدان ۽ اڳوڻي صوبائي وزير تعليم عمران مسعود موجب ڳوٺاڻن علائقن ۾ غربت ۽ مهانگائي سبب والدين ٻارن کي اسڪول موڪلڻ بدران محنت مزدوري ڪرڻ تي مجبور آهن.
اهڙا علائقا به آهن جتي اسڪول نه آهن ۽ ٻارن کي تعليم حاصل ڪرڻ لاءِ ڏورانهن علائقن ڏانهن وڃڻو پوي ٿو، ڪجهه اسڪول اهڙا به آهن جتي هڪ ئي استاد آهي جڏهن ته اڪثر اسڪول بنيادي سهولتن کان محروم آهن.
والدين جو چوڻ آهي ته سرڪاري اسڪولن ۾ تعليم جي خراب معيار سبب ٻار بهتر تعليم حاصل ڪرڻ کان قاصر آهن، جڏهن ته شهري علائقن ۾ پرائيويٽ اسڪولن جون وڏيون فيسون غريب ۽ وچولي طبقي لاءِ ناقابل برداشت آهن.
صوبائي حڪومت جي دعويٰ آهي ته اسڪولن کان ٻاهر ٻارن کي تعليم طرف آڻڻ لاءِ خصوصي مهم شروع ڪئي وئي آهي.
