اداڪارا ۽ ٽي وي ميزبان فضا علي هڪ ڀيرو ٻيهر سوشل ميڊيا تي خبرن جو مرڪز بڻجي وئي.
فضا علي سوشل ميڊيا تي هڪ نئين وڊيو شيئر ڪئي آهي جنهن ۾ سندس مڙس هڪ ڀيرو ٻيهر کيس ڪلهي تي کنيو نظر اچي رهيو آهي.
وڊيو سان گڏ هن هڪ جذباتي پيغام پڻ لکيو جنهن ۾ چيو ويو ته ”جن کي منهنجي لفٽنگ وزني لڳي، اڄ لنڊن ۾ به اهو ئي منظر وڌيڪ روشن نظر اچي رهيو آهي. نه مان بدليو آهيان، نه پيار، فقط اکين جو وزن گهٽجي ويو آهي. هاڻي ٻڌاءِ… ڪنهن تي بار هو؟”
ياد رهي ته تازو ئي فضا علي جي پروگرام جو هڪ مختصر ڪلپ سامهون آيو هو، جنهن ۾ لائيو شو دوران سندس مڙس اعجاز خان کيس ڪلهي تي کنيو هو.
ان منظر تي سوشل ميڊيا استعمال ڪندڙن پاران سخت رد عمل ظاهر ڪيو ويو جن ان کي نامناسب قرار ڏيندي تنقيد ڪئي.
بعد ۾ پيمرا به ان ڳالهه جو نوٽيس وٺندي خانگي ٽي وي چينل کي شوڪاز نوٽيس جاري ڪندي وضاحت طلب ڪري ورتي.
واضح رهي ته فضا علي تازو ئي 41 سالن جي عمر ۾ ٽئين شادي ڪئي آهي ۽ هاڻوڪي ڏينهن ۾ هوءَ پنهنجي نئين مڙس اعجاز خان سان گڏ مختلف وڊيوز شيئر ڪندي رهندي آهي.
