ڪراچي:
سنڌ هاءِ ڪورٽ 22 سالن کانپوءِ گريڊ 16 جي آفيسر کي بحال ڪري ڇڏيو. عدالت پروموشن سميت سمورا بقايا ادا ڪرڻ جو به حڪم ڏنو آهي.
دائود انجنيئرنگ ڪاليج جي برطرف مينٽيننس آفيسر کي 22 سالن کانپوءِ سنڌ هاءِ ڪورٽ مان انصاف ملي ويو. عدالت 16 گريڊ جي آفيسر بابر بلوچ کي 22 سالن کانپوءِ بحال ڪندي پروموشن سميت سمورا واجبات ادا ڪرڻ جو حڪم ڏئي ڇڏيو.
بابر بلوچ کي 2002 ۾ 6 ڏينهن غير حاضري تي برطرف ڪيو ويو هو. 2022ع ۾ سپريم ڪورٽ ڪيس واپس سنڌ هاءِ ڪورٽ ڏانهن اماڻيو.
وڪيل موجب ڪاليج جي پرنسپال کي غير حاضري تي برطرف ڪري کيس بحال ڪيو. 6 ڏينهن جي غير حاضري تي برطرفي قانون جي خلاف آهي. سپريم ڪورٽ پرنسپل جي بحالي ۽ درخواستگذار کي بحال نه ڪرڻ تي حيرت جو اظهار ڪيو.
