اسلام آباد:
فيڊرل بورڊ آف روينيو (ايف بي آر) کنڊ جي درآمد تي رعايتي سيلز ٽيڪس جي مدي ۾ واڌ بابت اڳوڻو نوٽيفڪيشن واپس وٺي ڇڏيو آهي.
ان سلسلي ۾ ايف بي آر خميس تي ايس آر او 633 (آءِ)/2026 جاري ڪيو آهي، جنهن تحت 19 مارچ 2026 تي جاري ڪيل ايس آر او 527 (آءِ)/2026 ۽ 5 مارچ 2026 تي جاري ڪيل ايس آر او 455 (آءِ)/2026 منسوخ ڪيا ويا آهن.
واضح رهي ته مٿين نوٽيفڪيشن ذريعي ٽريڊنگ ڪارپوريشن آف پاڪستان (ٽي سي پي) ذريعي درآمد ٿيندڙ کنڊ تي سيلز ٽيڪس ۾ رعايت جي مدي ۾ 28 فيبروري 2026 تائين واڌ ڪئي وئي هئي.
ان کان اڳ ايف بي آر کنڊ جي درآمد تي سيلز ٽيڪس جي شرح 18 سيڪڙو کان گهٽائي 0.25 سيڪڙو ڪري ڇڏي هئي، جنهن جو مقصد ملڪ ۾ کنڊ جي قيمتن کي مستحڪم ڪرڻ آهي.
