پاڪستان جي عالمي سفارتي ڪاميابين کي سڄي دنيا ۾ تسليم ڪيو پيو وڃي، جنهن ملڪ جو عالمي وقار وڌيڪ بلند ڪيو آهي.
حق جي جنگ جي عظيم فتح کان پوءِ پاڪستان جي سياسي ۽ فوجي قيادت جي بصيرت، شاندار حڪمت عملي ۽ موثر سفارتڪاريءَ سبب ملڪ جو عالمي وقار تمام گهڻو بلند ٿيو آهي.
جنگ جي ميدان ۾ دشمن کي عبرتناڪ شڪست ڏيڻ کان پوءِ پاڪستان عالمي سطح تي پنهنجي اصولي موقف کي موثر انداز ۾ اجاگر ڪيو آهي، جنهن سان سفارتي سطح تي به پنهنجو موقف مضبوط ڪيو آهي.
حق جي جنگ جي ڪاميابي پاڪستان کي عالمي سفارتي محاذ تي مضبوط ڪري ڇڏيو آهي، جڏهن ته ڀارت عالمي سطح تي اڪيلائي جو شڪار ٿي ويو آهي. پاڪستاني قيادت آمريڪا، چين، سعودي عرب، ترڪي، روس ۽ ايران سميت مختلف ملڪن جي قيادت سان اهم ملاقاتون ڪيون، جنهن جي نتيجي ۾ پاڪستان جي علائقائي ۽ عالمي اثر رسوخ ۾ نمايان اضافو ڏٺو ويو.
پاڪستان ۽ سعودي عرب وچ ۾ اسٽريٽجڪ دفاعي معاهدي کي به ڪامياب سفارتڪاري جو اهم مثال قرار ڏنو پيو وڃي، جنهن ٻنهي ملڪن وچ ۾ لاڳاپن کي وڌيڪ مضبوط ڪيو.
پاڪستان موثر سفارتڪاري ۽ شاندار فوجي سفارتڪاري ذريعي گڏيل قومن ۾ پنهنجي طاقت ۽ اثر رسوخ جو مظاهرو ڪيو آهي، جڏهن ته دنيا پاڪستان جي موقف کي سنجيدگيءَ سان تسليم ڪيو آهي.
آمريڪي صدر ڊونلڊ ٽرمپ به پاڪستان جي قيادت جي واکاڻ ڪندي ان کي انتهائي مضبوط، غير معمولي ۽ شاندار قيادت قرار ڏنو. آمريڪا سميت سڄي دنيا دهشتگردي خلاف پاڪستان جي قربانين ۽ انتھڪ ڪوششن کي ساراهيو، جڏهن ته عالمي امن ۽ استحڪام لاءِ خالص علائقائي استحڪام لاءِ پاڪستان جي ڪردار جو ڀرپور اعتراف ڪيو ويو.
ايران-آمريڪا تڪرار ۾ پاڪستان جي ثالثي واري ڪردار کي به اثرائتي ۽ متوازن سفارتڪاريءَ جو چٽو عڪاسي قرار ڏنو پيو وڃي.
عالمي ماهرن موجب سياسي ۽ فوجي قيادت جي فعال سفارتڪاري ۽ متوازن پرڏيهي پاليسي جي ڪري پاڪستان عالمي امن جو ضامن بڻجي اڀريو آهي، جنهن عملي ميدان ۾ ڀارت کي شڪست ڏئي سفارتي محاذ تي دنيا ۾ اڪيلو ڪري ڇڏيو آهي.
