پشاور:
پيسڪو چيف اختر حميد خان گراهڪن جي سهولت لاءِ اهم فيصلو ڪندي ايمرجنسي پرمٽ جو ڪم في الحال بند ڪري ڇڏيو.
اختيارين موجب ان قدم جو مقصد بجلي جي صارفين کي درپيش مشڪلاتن کي گهٽائڻ آهي.
ان سلسلي ۾ اختيارين جو وڌيڪ چوڻ هو ته ايمرجنسي پرمٽ دوران ضروري ڪم جي ڪري 5 کان 6 ڪلاڪ بجلي بند ڪئي وئي، جنهن سبب صارفين کي سخت مشڪلاتن کي منهن ڏيڻو پيو.
اختر حميد خان چيو آهي ته پيسڪو جا گراهڪ اڳ ۾ ئي بجلي جي شارٽ فال سبب اضافي لوڊ مينيجمينٽ بابت پريشان آهن ۽ اهڙي صورتحال ۾ ايمرجنسي پرمٽ تحت ڪلاڪن جا ڪلاڪ بجلي بند ڪرڻ سان صارفين کي وڌيڪ تڪليف ٿيندي آهي.
هن واضح ڪيو ته جيستائين بجلي جي صورتحال بهتر نه ٿيندي، تيستائين ايمرجنسي پرمٽس لاءِ بجلي بند نه ڪئي ويندي ته جيئن صارفين کي وڌ کان وڌ رليف ڏنو وڃي.
