وائيٽ هائوس جي صحافين جي ڊنر واري واقعي ۾ گرفتار ٿيل هٿياربند جوابدار جي سڃاڻپ ڪيليفورنيا جو رهواسي 31 سالن جي ڪول ٿامس ايلن طور ٿي آهي.
آمريڪي نشرياتي اداري سي اين اين موجب تقريب دوران جوابدار کي حراست ۾ ورتو ويو، جنهن بعد سڪيورٽي ادارن فوري ڪارروائي ڪندي صورتحال تي ضابطو آندو.
آمريڪي صدر ڊونلڊ ٽرمپ جي سوشل ميڊيا پليٽ فارم ٽرٿ سوشل تي واقعي سان لاڳاپيل جوابدار جي تصوير به شيئر ڪئي وئي.
اختيارين اڃا تائين واقعي جي مڪمل تفصيل جاري نه ڪئي آهي، پر جاچ جاري آهي.
صدر ٽرمپ تصديق ڪئي آهي ته فائرنگ ڪندڙ کي گرفتار ڪيو ويو آهي ۽ زنده آهي.
ان کان اڳ آمريڪي ۽ روسي ميڊيا دعويٰ ڪئي هئي ته فائرنگ ڪندڙ مارجي ويو آهي.
