وفاقي گهرو وزير محسن نقوي لاهور جي 24/7 نادرا سينٽر شملا پهاڙي جو اوچتو دورو ڪيو، جتي هن شهرين کي درپيش مسئلن جو تفصيلي جائزو ورتو.
دوري دوران مرڪز ۾ تمام گهڻي رش، ڊگهي انتظار ۽ اي سي جي بندش جون شڪايتون سامهون آيون، جنهن تي گهرو وزير ڪاوڙ جو اظهار ڪيو.
محسن نقوي مختلف ڪائونٽرن جو دورو ڪيو ۽ شهرين کان شناختي ڪارڊ جاري ڪرڻ جي عمل ۽ ٻين دستاويزن بابت سڌي ڄاڻ ورتي ۽ سندن مسئلا ٻڌا.
هن هدايتون جاري ڪيون ته رش کي بهتر نموني سان منظم ڪيو وڃي ۽ شهرين کي سهولتن جي تيزيءَ سان فراهمي کي يقيني بڻايو وڃي.
وفاقي گهرو وزير واضح ڪيو ته شهرين کي بروقت ۽ معياري سهولتون فراهم ڪرڻ تي ڪو به سمجهوتو نه ڪيو ويندو.
هن چيو ته ان کان اڳ به سينٽر جو دورو ڪيو ويو جتي صورتحال بهتر هئي پر اڄ شهرين جي موٽ ۾ تسلي بخش ناهي.
محسن نقوي موقعي تي لاڳاپيل اختيارين کي فوري قدم کڻڻ ۽ سهولتن کي بهتر بڻائڻ جا حڪم جاري ڪيا.
