ڪراچي:
پنڪي جي ڪوڪين ڊيلرز جي نيٽ ورڪ خلاف قانون لاڳو ڪندڙ ادارا سرگرم آهن.
ذريعن موجب سڄي ملڪ ۾ ڇاپن دوران پنڪي جي ويجهي ساٿي ڪرن عرف بليڪ اينجل ۽ سندس مڙس سميت 20 جوابدارن کي حراست ۾ ورتو ويو آهي.
ذريعن جو چوڻ آهي ته لاهور، قصور، اسلام آباد ۽ اندرون سنڌ ۾ ڪيترائي ڇاپا هنيا ويا. ذريعن جو چوڻ آهي ته ڪرن عرف بليڪ اينجل شوبز انڊسٽري سان لاڳاپيل ماڻهن تائين ڪوڪين پهچائيندو هو، جنهن ڪري جاچ جو دائرو وسيع ڪيو ويو آهي.
ذريعن جو چوڻ آهي ته گرفتار ڪيل پنڪيءَ جي وڌيڪ 6 اڪائونٽن مان ڪروڙين رپين جي ٽرانزيڪشن جو انڪشاف ٿيو آهي، جڏهن ته منشيات جي خريداريءَ لاءِ مختلف وقتن تي 80 لک رپيا پرڏيهين کي موڪلي ڏيڻ جا ثبوت پڻ مليا آهن.
