ايران سان ممڪنه ڊيل جي معاملي تي آمريڪا ۽ اسرائيل وچ ۾ اختلاف شدت اختيار ڪري ويا آهن، ٻنهي اڳواڻن وچ ۾ ٽيليفونڪ ڳالهه ٻولهه ۾ تلخ لفظن جي مٽا سٽا ڪئي وئي.
عالمي خبرون ڏيندڙ اداري موجب آمريڪي صدر ڊونلڊ ٽرمپ ۽ اسرائيلي وزيراعظم نيتن ياهو وچ ۾ ٽيليفون تي ڳالهه ٻولهه ٿي آهي. جنهن ۾ ايران سان ممڪنه ڳالهين تي غور ڪيو ويو.
آمريڪي ميڊيا موجب صدر ٽرمپ نيتن ياهو کي ٻڌايو ته ثالثي ۾ شامل پارٽيون معاهدي جي مسودي تي ڪم ڪري رهيون آهن جنهن ۾ آمريڪا ۽ ايراني شرط شامل آهن.
اهو اسرائيلي وزيراعظم کي ناراض ڪيو ڇاڪاڻ ته اسرائيل اهو اصرار ڪري رهيو آهي ته ايران جي ايٽمي ۽ ميزائل پروگرامن تي مڪمل ۽ سخت پابنديون لاڳو ڪيون وڃن.
ان موقعي تي صدر ٽرمپ اسرائيلي وزيراعظم کي سخت ڇنڊڇاڻ به ڪئي ۽ ٻنهي اڳواڻن وچ ۾ سخت جملن جو تبادلہ به ٿيو، جڏهن ته ڳالهه ٻولهه به تلخ لفظن تي ختم ٿي.
اسرائيلي وزيراعظم جي آفيس ۽ وائيٽ هائوس انهن خبرن تي باضابطا تبصرو ڪرڻ کان پاسو ڪيو آهي پر اهو پهريون ڀيرو ناهي ته غزه معاملي تي ائين ٿيو آهي، جڏهن ته صدر ٽرمپ ويسٽ بئنڪ ۾ اسرائيلي وزيراعظم کي آڱوٺو ڪري ورتو آهي.
