دهشتگردي، منشيات جي اسمگلنگ ۽ جابرانه پاليسين طالبان جي حڪومت ۾ عالمي برادري جو اعتماد مڪمل طور تباهه ڪري ڇڏيو آهي.
اهم عالمي شخصيتن به افغانستان ۾ دهشتگردن جي موجودگي جو اعتراف ڪيو. برطانوي نشرياتي اداري بي بي سي کي ڏنل انٽرويو ۾ افغانستان لاءِ برطانيا جي خاص نمائندي رچرڊ لنڊسي چيو آهي ته افغان سرزمين کي دهشتگرد گروپن پاران ٻين ملڪن خلاف استعمال ٿيڻ کان روڪڻ گهرجي.
هن چيو ته افغان سرزمين تي دهشتگرد تنظيمون سرگرم آهن، جيڪي خطي جي سلامتي لاءِ سنگين خطرو آهن. رچرڊ لنڊسي طالبان جي حڪومت سان سفارتي لاڳاپا ان شرط تي قائم ڪيا ته عالمي برادري ان کي جائز حڪومت طور تسليم ڪري.
برطانوي خاص نمائندي چيو ته طالبان جي حڪومت جي عالمي قبوليت جو دارومدار انساني حقن، سيڪيورٽي ۽ عورتن جي حقن بابت عملي قدمن تي آهي. طالبان جي حڪومت کي انساني حقن جي احترام ۽ ڇوڪرين جي ثانوي ۽ اعليٰ تعليم تائين رسائي کي يقيني بڻائڻ گهرجي.
ماهرن موجب برطانوي خاص نمائندي رچرڊ لنڊسي جو بيان ان ڳالهه جو واضح اشارو آهي ته دنيا طالبان حڪومت جي دعوائن تي انڌو اعتبار ڪرڻ لاءِ تيار ناهي.
