ايران جي صدر مسعود البرزڪيان آمريڪا ۽ اسرائيل سان جاري ڇڪتاڻ ختم ڪرڻ لاءِ سفارتي ڪوششن ۾ پاڪستان ۽ ملائيشيا جي ڪردار تي ٻنهي ملڪن جا ٿورا مڃيا.
سوشل ميڊيا پليٽ فارم ايڪس تي پنهنجي بيان ۾ ايراني صدر چيو ته هن پاڪستان ۽ ملائيشيا جي وزيراعظمن سان ڳالهه ٻولهه دوران ايران جي سفارتي پوزيشن ۽ خطي ۾ امن لاءِ ڪوششن تي خيالن جي ڏي وٺ ڪئي.
مسعود المبيڪيان چيو ته هو انساني همدردي واري موقف اختيار ڪرڻ تي ملائيشيا جو شڪريو ادا ڪري ٿو جڏهن ته جنگ بندي ۽ ممڪنه معاهدي تائين پهچڻ لاءِ پاڪستان جي موثر سفارتي ڪوششن کي به ساراهيو.
ايراني صدر جو چوڻ هو ته ايران اڃا به سفارتڪاري ۽ ڳالهين جي رستي تي يقين رکي ٿو ۽ خطي ۾ ڇڪتاڻ گهٽائڻ لاءِ سياسي حل کي ترجيح ڏئي ٿو.
مون ملائيشيا ۽ پاڪستان جي وزيراعظمن سان ڪيل ڳالهه ٻولهه ۾ عيد الاضحيٰ جي موقعي تي شڪرگذاري جو اظهار ڪندي ايران جي سفارتڪاري، ملائيشيا جي انسانيت دوستي واري موقف ۽ معاهدي تائين پهچڻ لاءِ پاڪستان جي قدمن ۽ ڪوششن تي زور ڏنو. ايران جي پاليسي مسلمان ۽ پاڙيسري ملڪن سان سمورن شعبن ۾ تعاون وڌائڻ آهي.
– مسعود پيزشڪيان (@drpezeshkian) مئي 29، 2026
هن وڌيڪ چيو ته ايران جي پاليسي مسلمان ۽ پاڙيسري ملڪن سان سمورن شعبن ۾ لاڳاپن ۽ تعاون کي فروغ ڏيڻ آهي.
تجزيه نگارن موجب ايران پاران پاڪستان جي سفارتي ڪوششن جو کليل اعتراف هڪ اهڙي وقت ۾ سامهون آيو آهي جڏهن آمريڪا ۽ ايران وچ ۾ جنگ بندي جي مدي ۾ واڌ ۽ امڪاني معاهدي جي حوالي سان ڳالهيون جاري آهن.
