لبنان ۾ گذريل هفتي دوران اسرائيلي حملن ۾ 15 ٻارڙا مارجي ويا ۽ 62 زخمي ٿي پيا آهن.
ميڊيا رپورٽن موجب گڏيل قومن جو چوڻ آهي ته اسرائيل ۽ حزب الله وچ ۾ جنگبندي جي باوجود گذريل 7 ڏينهن ۾ اسرائيلي حملن ۾ 15 لبناني ٻارڙا مارجي ويا ۽ 62 زخمي ٿيا آهن.
گڏيل قومن جي اداري يونيسيف انگن اکرن کي ”چوڪندڙ“ قرار ڏنو ۽ ان ڳالهه تي زور ڏنو ته بين الاقوامي انسانيت جي قانون تحت، ٻارن کي جنگ دوران هر وقت تحفظ ڏيڻ گهرجي.
يونيسيف جي ترجمان ريڪارڊو پائرس جنيوا ۾ ميڊيا بريفنگ کي ٻڌايو ته لبنان جي پبلڪ هيلٿ واري وزارت جي مطابق صرف گذريل هفتي ۾ 77 ٻار مارجي ويا يا زخمي ٿيا.
هن چيو ته هر 24 ڪلاڪن ۾ سراسري طور 11 ٻار آهن. اسان سمجهون ٿا ته انهن ٻارن جي اڪثريت ڏکڻ لبنان ۾ هوائي حملن کان متاثر ٿيا آهن. گذريل ڏينهن 7 ٻارڙا مارجي ويا ۽ 30 زخمي ٿيا.
