آءِ پي ايل ۾ ڪرڪيٽرن کي بليڪ ميل ڪرڻ ۾ بورڊ جي اهم آفيسر جي سيڪريٽري جي ملوث هجڻ جو انڪشاف ٿيو آهي.
ذريعن موجب ڪانٽريڪٽ حاصل ڪرڻ جي بدلي ۾ رانديگر کان وڏي رقم جو مطالبو ڪيو ويو. جڏهن رانديگر اها رقم ڏيڻ کان انڪار ڪيو ته لاڳاپيل سيڪريٽري کيس بليڪ ميل ڪرڻ شروع ڪيو.
ذريعن جو اهو به چوڻ آهي ته رانديگر طرفان مناسب جواب نه ملڻ تي سيڪريٽري مبينه طور تي هڪ رپورٽر سان گڏ سوشل ميڊيا تي رانديگر جي ذاتي زندگي کي سامهون آڻڻ جي ڪوشش ڪئي.
سوشل ميڊيا تي آءِ پي ايل ڪرڪيٽرز خلاف جيڪو شور مچايو پيو وڃي، ان کي ان اسڪينڊل سان ڳنڍيو پيو وڃي.
ان کان علاوه هڪ ٻيو واقعو به سامهون آيو آهي جنهن ۾ هڪ آءِ پي ايل ڪرڪيٽر جي گرل فرينڊ تي الزام هنيو ويو هو ته مبينه طور تي حساس معلومات ٻاهرين ماڻهن کي ڏني وئي هئي.
