آمريڪا پاران ايراني بحريه جي ناڪبندي ختم نه ڪرڻ جي جواب ۾، پاسداران انقلاب اڄ ٻيهر آبنائے هرمز کي بند ڪري ڇڏيو ۽ گهٽ ۾ گهٽ 4 آئل ٽينڪرز کي واپس وڃڻ تي مجبور ڪيو.
ايراني ميڊيا موجب قومي سلامتي ڪميشن جي سربراهه ابراهيم عزيزي هن بدلجندڙ صورتحال تي آمريڪا کي سخت پيغام جاري ڪيو آهي.
ابراهيم عزيزي موجب ايران اڳ ۾ ئي آمريڪا کي خبردار ڪيو هو پر ٽرمپ انتظاميه اسان جي شڪايت تي ڌيان نه ڏنو. سو هاڻي لطف اندوز ٿيو.
هن وڌيڪ چيو ته ايران پاران آبنائے هرمز کي ٻيهر بند ڪرڻ ۽ ٻيهر سخت قانون لاڳو ڪرڻ دراصل آمريڪا جي بدنيتي جو جواب آهي.
ايران جي قومي سلامتي ڪميشن جي سربراهه ابراهيم عزيزي وڌيڪ چيو ته خميني جي انقلاب جي شروعات کان وٺي آمريڪا جي پاليسي معاهدي جي ڀڃڪڙي رهي آهي.
هن وڌيڪ چيو ته هي ڪارو رڪارڊ ان ڳالهه جو ثبوت آهي ته واعدي جي ڀڃڪڙي هميشه آمريڪي سياسي پاليسي جو لازمي حصو رهيو آهي.
ايران جي قومي سلامتي ڪميشن جي سربراهه آمريڪي صدر تي سخت تنقيد ڪندي چيو ته ڊونلڊ ٽرمپ حقيقتن تي تصوراتي شين کي ترجيح ڏئي ٿو ۽ هو تمام گهڻيون ڳالهيون ڪري ٿو.
