آمريڪي عملدارن دعويٰ ڪئي آهي ته آمريڪا ۽ ايران وچ ۾ تازين فوجي ڇڪتاڻ باوجود ايٽمي پروگرام تي ٽيڪنيڪل سطح تي ڳالهيون جاري آهن ۽ آمريڪا اڃا تائين سفارتي حل لاءِ پرعزم آهي. پرڏيهي ميڊيا موجب هڪ آمريڪي عهديدار چيو آهي ته آمريڪا ايران سان تڪرار جو پرامن حل چاهي ٿو پر سندس موقف واضح آهي ته ايران کي ڪنهن به صورت ۾ ايٽمي هٿيار حاصل ڪرڻ جي اجازت نه ڏني ويندي. آمريڪي اختيارين جو اهو بيان هڪ اهڙي وقت ۾ سامهون آيو آهي جڏهن صدر ڊونلڊ ٽرمپ هن هفتي ايران تي حملن جو نئون سلسلو شروع ڪيو هو ۽ ايران به جواب ۾ ڪويت ۽ بحرين ۾ آمريڪي اڏن کي نشانو بڻايو جنهن کانپوءِ خطي ۾ هڪ ڀيرو ٻيهر ڇڪتاڻ وڌي وئي. ان کان اڳ صدر ٽرمپ جو چوڻ هو ته ايران سان ڪو به ڊيل نه ٿو چاهي، ايران سان جنگ بندي به ختم ٿي چڪي آهي، هن اهو به چيو ته جيڪڏهن ايران وٽ ايٽمي هٿيار هئا ته هو استعمال ڪندا.
Source link
آمريڪي اختيارين جو چوڻ آهي ته فوجي ڇڪتاڻ باوجود ايٽمي پروگرام تي ٽيڪنيڪل سطح جون ڳالهيون جاري آهن
Leave a Comment Leave a Comment
