آمريڪي فوج چيو آهي ته هن ايران تي حملن جي نئين لهر شروع ڪري ڇڏي آهي، جڏهن ته ايراني ميڊيا بندر عباس ۽ ٻين علائقن ۾ حملن جون رپورٽون ٻڌايون آهن، جنهن ۾ ست ڄڻا زخمي ٿيا آهن.
آمريڪي سينٽرل ڪمانڊ (CENTCOM) تصديق ڪئي آهي ته هن ايران جي فوجي صلاحيتن کي وڌيڪ ڪمزور ڪرڻ لاءِ آمريڪي وقت موجب رات 2 وڳي نوان حملا شروع ڪيا آهن.
سوشل ميڊيا ويب سائيٽ تي جاري ڪيل بيان ۾ چيو ويو آهي ته آمريڪي فوج ايران جي فوجي صلاحيتن کي وڌيڪ ڪمزور ڪرڻ لاءِ مسلسل پنجين رات ايران خلاف حملن جي نئين لهر شروع ڪئي آهي.
اڄ رات 2 وڳي ET تي، آمريڪي فوجن ايران جي خلاف ڇهين رات مسلسل حملن جي نئين لهر شروع ڪئي ته جيئن ايراني فوجي صلاحيتن کي وڌيڪ خراب ڪري سگهجي.
– يو ايس سينٽرل ڪمانڊ (@CENTCOM) جولاءِ 16، 2026
ميڊيا رپورٽن موجب ايران جي علائقي بندر عباس ۾ 3 ڌماڪا ٻڌا ويا، بجلي بند ٿي وئي ۽ 7 ڄڻا زخمي ٿي پيا.
وڌيڪ ٻڌايو ويو ته آمريڪي حملي شهر جي هڪ ٽڪريءَ تي هڪ مواصلاتي ٽاور کي نشانو بڻايو، جنهن سان علائقي جي بجلي بند ٿي وئي.
الجزيره موجب آمريڪي جنگي جهازن ايران شهر ايئرپورٽ تي ميزائل حملا ڪيا آهن
ايراني ميڊيا ٻڌايو آهي ته حملو بندر خمير جي علائقي ۾ پل تي ڪيو ويو، جيڪو بندر عباس ۽ لار جي وچ ۾ واحد لنڪ هو.
