آن لائين سهولت باوجود قرباني جي جانورن جي وڏي انگ ۾ خريداري ۽ وڪري جو انڪشاف

وفاقي حڪومت پاران عيدالاضحيٰ جي موقعي تي جانورن جي خريداري ۽ وڪري لاءِ صارفين کي آن لائين پئڪيج جي سهولت فراهم ڪرڻ باوجود انڪشاف ٿيو آهي ته وڏي انگ ۾ جانورن جي خريداري ۽ وڪري ڪئي پئي وڃي. اسٽيٽ بئنڪ جي ذريعن موجب اسٽيٽ بئنڪ آف پاڪستان ۽ مختلف بئنڪن موبائيل وين ذريعي اي ٽي ايم جي سهولت ۽ آن لائين ڪيش جي سهولت ڍورن جي بازارن ۾ فراهم ڪئي آهي، جنهن سبب وڏي انگ ۾ چوپايو مال جي خريداري ۽ وڪري جون ادائيگيون به بئنڪنگ چينل ذريعي ڪيون ويون آهن، جڏهن ته اڳ ۾ لڳ ڀڳ سموريون خريداريون نقدي ۾ ٿينديون هيون. ان حوالي سان اسٽيٽ بئنڪ جي ذريعن جو چوڻ آهي ته عيد الاضحيٰ رڳو هڪ عيد يا مذهبي فرض نه آهي پر اهو ملڪ جي غير رسمي معيشت جي سڀ کان وڏي سرگرمين جو مجموعو آهي ۽ عيد الاضحيٰ جي موقعي تي پاڪستان ۾ 650 کان 700 ارب رپين جا معاشي ٽرانزيڪشن ٿي چڪا آهن ۽ عيد کان اڳ مارڪيٽ ۾ سرمائي جي گردش 70 ارب رپين جي لڳ ڀڳ ٿي ويندي آهي، جنهن ۾ تقريبن 7 ارب رپين جو اضافو ٿيندو آهي. ذريعن جو چوڻ آهي ته سپلائي چين ۾ چوپايو مال هارين، واپارين، ٽرانسپورٽرن، مارڪيٽن، مالڪن، چارا وڪرو ڪندڙ، قصاب ۽ چمڙي جي صنعت سان لاڳاپيل ماڻهن جو روزگار ڳنڍيل آهي. اجلاس ۾ وڌيڪ ٻڌايو ويو ته هڪ قدامت پسند اندازي موجب پاڪستان ۾ عيد قربان جي 3 ڏينهن ۾ لڳ ڀڳ 7.4 لک جانورن جي قرباني ڪئي ويندي آهي، قرباني ۾ ڳئون، بهين، ٻڪريون، رڍون ۽ اُٺ شامل آهن، 532 هزار ٽن کان وڌيڪ گوشت ورهايو ويندو آهي، جيڪو ملڪ ۾ سڀ کان وڏو خانگي غير رسمي خوراڪ جي ورڇ جو نظام پڻ آهي. ذريعن جو چوڻ آهي ته عيدالاضحيٰ دوران 400 ارب رپين کان وڌيڪ آمدني شهرن مان ڳوٺن ڏانهن منتقل ٿي ويندي آهي، جيڪا هارين ۽ ڳوٺاڻن خاندانن جي آمدني جو سڀ کان وڏو ذريعو آهي، جيڪي چوپايو مال پاليندا آهن، ٻئي طرف قصاب به عيد جي موسم ۾ في جانور هزارين رپيا وصول ڪندا آهن ۽ چمڙي جي صنعت کي قرباني جي چمڙي مان خام مال ملندو آهي.



Source link