اسلام آباد:
نائب وزيراعظم ۽ پرڏيهي وزير سينيٽر محمد اسحاق ڊار ازبڪستان جي پرڏيهي وزير بختيار سعيدوف سان ٽيليفونڪ ڳالهه ٻولهه ڪئي آهي.
پرڏيهي آفيس طرفان جاري بيان موجب ٻنهي اڳواڻن وچ ۾ ٿيل ڳالهه ٻولهه ۾ گڏيل دلچسپي جي ٻه طرفي ۽ گهڻ طرفي معاملن ۽ خطي جي مجموعي صورتحال تي خيالن جي ڏي وٺ ڪئي وئي.
پرڏيهي وزير بختيار سيدوف علائقائي امن ۽ استحڪام لاءِ پاڪستان جي تعميري ۽ ثالثي ڪردار کي ساراهيو. ٻنهي اڳواڻن مستقبل ۾ ويجهن رابطن کي برقرار رکڻ تي اتفاق ڪيو.
