اسلام آباد:
لوهي بهر ٿاڻي جي حد ميڊيا ٽائون ۾ گهر مان چوڪيدار جو گوليون لڳل لاش هٿ آيو آهي.
پوليس ذريعن موجب واقعي جي وقت گهر جا مالڪ موجود نه هئا. جڏهن بار بار چوڪيدار سان رابطو ڪرڻ جي ڪوشش ڪئي وئي پر هن فون ڪال جو جواب نه ڏنو ته گهر مالڪن هڪ پاڙيسري سان رابطو ڪيو.
ذريعن موجب پاڙيسري گهر پهتا ته چوڪيدار جو گوليون لڳل لاش ڏٺو، جنهن بعد فوري طور تي پوليس کي اطلاع ڏنو ويو.
پوليس ۽ ٻيا لاڳاپيل اختياريون واقعي واري هنڌ پهچي ويون آهن ۽ شاهديون گڏ ڪرڻ بعد واقعي جي مختلف رخن کان جاچ ڪئي پئي وڃي.
پوليس جو چوڻ آهي ته شروعاتي اطلاعن موجب چوڪيدار کي فائرنگ ڪري قتل ڪيو ويو آهي، واقعي جي حتمي نوعيت جاچ مڪمل ٿيڻ کانپوءِ طئي ڪئي ويندي.
