اسٽريٽ چائلڊ فٽبال ورلڊ ڪپ ٽورنامينٽ ۾ پاڪستان جي مسلسل ٻي فتح

پاڪستان مسلسل ٻيو ڀيرو اسٽريٽ چائلڊ ورلڊ ڪپ 2026 کٽي ورتو آهي. مليل ڄاڻ موجب 30 ملڪن وچ ۾ جاري اسٽريٽ چائلڊ ورلڊ ڪپ ٽورنامينٽ 2026ع ۾ پاڪستان اسٽريٽ چلڊرن ٽيم پنهنجي ٻئي ميچ ۾ ميڪسيڪو جي مضبوط ٽيم کي 0-5 تان شڪست ڏئي شاندار فتح حاصل ڪئي. پاڪستان طرفان ڪاشف خان ۽ عيسيٰ خان 2، 2 گول ڪيا جڏهن ته شاهد انجم هڪ هڪ گول ڪيو. پاڪستان پنهنجي پهرين ميچ ۾ انڊونيشيا کي 0-2 تان شڪست ڏني هئي. ٽورنامينٽ سڄي دنيا ۾ گهٽين جي ٻارن جي حقن، تحفظ ۽ سڃاڻپ لاءِ نوجوانن جي اڳواڻي ۾ هلندڙ تحريڪ آهي. ياد رهي ته قطر ۾ ٿيندڙ اسٽريٽ چائلڊ فٽبال ورلڊ ڪپ فٽبال ٽورنامينٽ 2022 ۾ پاڪستاني ٽيم ٻي پوزيشن حاصل ڪري سلور ميڊل کٽي ورتو. ان دوران پاڪستاني رانديگرن ۽ ٽيم مئنيجمينٽ انهن جي قربانين، بهادري ۽ قومي خدمتن کي خراج عقيدت پيش ڪندي ٻنهي فتحن کي معرفت ۽ پاڪستان جي هٿياربند فوج جي نالي سان ڀيٽا پيش ڪئي. ياد رهي ته پاڪستان اسٽريٽ چلڊرن ٽيم جي رانديگرن ۾ عبدالله، مبشر شاهه، محمد حماد، نديم حسين، محمد مصطفيٰ، محمد عيسيٰ، شاهد انجم، محمد ڪاشف، محمد بلال ۽ محمد ابراهيم شامل آهن.



Source link