پوليس اغوا ۽ ڀنگ ڪيس ۾ منيب بٽ کي بيگناهه قرار ڏئي ڇڏيو آهي، سندس وڪيل عدالت کي درخواست ڪئي آهي ته سندس ضمانت واپس ورتي وڃي.
ڪراچي جي دهشتگردي ٽوڙ عدالت ۾ اداڪار منيب بٽ خلاف اغوا ڀنگ ڪيس جي ٻڌڻي ٿي، جتي سندس وڪيل ضمانت واپس وٺڻ لاءِ درخواست داخل ڪئي.
ٻڌڻي دوران وڪيل صافي موقف اختيار ڪيو ته پوليس چالان ۾ منيب بٽ کي بيگناهه قرار ڏنو آهي، ان ڪري ضمانت واري درخواست واپس ورتي وڃي.
پوليس موجب ڪيس ۾ جوابدارن تي مدعي محمد موتال کي اغوا ڪري 24 لک 94 هزار رپين جي ڪرپٽو ڪرنسي ۽ ٻيو سامان ڦر ڪرڻ جو الزام آهي.
پوليس موجب منيب بٽ تي الزام هو ته هو جوابدارن کي مري ۾ رهائشگاهه ڏيندو هو، پر جاچ مڪمل ٿيڻ بعد چالان ۾ کيس بيگناهه قرار ڏنو ويو هو.
پوليس موجب ڪيس ۾ هڪ پوليس اهلڪار اڃا تائين فرار آهي، جڏهن ته ٻين جوابدارن ۾ شاهد ستار، محمد سليم، عليم ۽ وزير محمد شامل آهن.
جاچ موجب جوابدارن محمد موتال کي 23 اپريل تي شاهراهه فيصل مان اغوا ڪيو ۽ ڪرپٽو ڪرنسي ۽ ٻيو قيمتي سامان ڦر ڪرڻ بعد ڪورنگي انڊسٽريل ايريا ۾ ڇڏيو.
