ڪراچي: ڊسٽرڪٽ اينڊ سيشن جج انمول عرف پنڪي ڪيس ۾ مبينا سهولتڪارن جي ضمانت واري درخواست تي فيصلو محفوظ ڪري ورتو.
پوليس موجب سهيل الرحمان ۽ ذيشان الرحمان مني لانڊرنگ ۾ ملوث هئا، جوابدار انمول عرف پنڪي جي مني لانڊرنگ ۾ ملوث هئا. پوليس جو چوڻ آهي ته جوابدارن جا اڪائونٽ منجمد ڪرڻ بعد سمير جي مدد سان مالياتي ٽرانزيڪشن ڪئي وئي.
پوليس موجب منشيات جي خام مال جي ادائيگي به ان ئي اڪائونٽس ذريعي ڪئي وئي، جڏهن ته سهيل ۽ ذيشان جي اڪائونٽن مان ملڪيتون به خريد ڪيون ويون. جاچ ۾ اهو به انڪشاف ٿيو ته جوابدار جي ننڍي ڀاءُ ناصر جا سمير سان 2016ع ۾ لاڳاپا هئا.
ٻئي طرف وکيل صافي موقف اختيار ڪيو ته سهيل الرحمان ۽ ذيشان الرحمان جو سمير سان ڪو به تعلق ناهي، ايف آءِ آر موجب ضمانت جي درخواست داخل ڪئي وئي آهي. وکيل صافي موجب، پوليس الزام بعد ۾ شامل ڪيو ويو آهي.
پوليس جو چوڻ آهي ته جوابدار خلاف مني لانڊرنگ جو ڪيس پڻ داخل ڪيو ويندو، جاچ جاري آهي. عدالت ڌرين جا دليل ٻڌڻ کانپوءِ ضمانت واري درخواست تي فيصلو محفوظ ڪري ورتو.
