اسلام آباد:
ايران آمريڪا تڪرار تي پاڪستان جا سفارتي لاڳاپا جاري آهن ۽ فوجي ۽ سول قيادت مسلسل سرگرم آهن.
پرڏيهي آفيس جي ترجمان چيو آهي ته وچ اوڀر تڪرار جي خاتمي لاءِ پاڪستان جون سفارتي ڪوششون هن هفتي به جاري رهيون. ان حوالي سان وزيراعظم شهباز شريف قطر جي امير سان ٻه ڀيرا رابطو ڪيو.
بيان ۾ هن چيو ته نائب وزيراعظم ۽ پرڏيهي وزير اسحاق ڊار ٻين پرڏيهي وزيرن سان به رابطي ۾ آهي ته جيئن خطي ۾ امن قائم ٿي سگهي. اهڙي طرح وفاقي گهرو وزير محسن نقوي ايران جا ٻه دورا ڪيا.
فيلڊ مارشل جي ايران جي دوري جي امڪاني حوالي سان پرڏيهي آفيس جي ترجمان چيو ته هو ان ڳالهه جي تصديق يا ترديد نٿا ڪن ته فيلڊ مارشل ايران جو دورو ڪري رهيو آهي يا نه.
ترجمان وڌيڪ چيو ته وزيراعظم جي چين جي دوري دوران ايران آمريڪا ڳالهين تي ڳالهه ٻولهه ٿي سگهي ٿي. وزيراعظم ۽ چيني قيادت وچ ۾ وچ اوڀر جي ڇڪتاڻ تي به ڳالهه ٻولهه جو امڪان آهي.
هن چيو ته پرڏيهي وزير اسحاق ڊار جي چين جي دوري دوران 5 نقاطي ايجنڊا تي به اتفاق ڪيو ويو. وچ اوڀر واري معاملي تي پاڪستان ۽ چين وچ ۾ اڳ ۾ ئي اعتماد آهي.
