ايران اڳوڻي سپريم ليڊر علي خامنه اي جي جنازي جي ڪيترن ئي ڏينهن کان اڳ سڄي ملڪ ۾ سيڪيورٽي سخت ڪري ڇڏي آهي. ايراني فوجي اختيارين جو چوڻ آهي ته تقريبون پرامن طريقي سان منعقد ٿيڻ کي يقيني بڻائڻ لاءِ غير معمولي حفاظتي قدم کنيا پيا وڃن.
ايراني خبر رساں ايجنسي ارنا موجب برگيڊيئر جنرل محمد اڪرمنيا چيو ته ايراني هٿياربند فوج کي هاءِ الرٽ ڪيو ويو آهي ۽ مختلف ملڪن جي اعليٰ حڪومتي، مذهبي ۽ سياسي وفدن جي آمد کي نظر ۾ رکندي سيڪيورٽي جا انتظام سخت ڪيا ويا آهن.
هن چيو ته ايراني فوج جي زميني، بحري ۽ فضائي قوتن ملڪ جي سرحدن ۽ حساس هنڌن تي پنهنجي موجودگي کي وڌائي ڇڏيو آهي ته جيئن ڪنهن به امڪاني سيڪيورٽي خطري کي موثر نموني سان منهن ڏئي سگهجي.
برگيڊيئر جنرل محمد اڪرمانيا موجب ايران جي ايئر ڊفينس فورس ملڪ جي فضائي حدن جي پڻ مسلسل نگراني ڪري رهي آهي ۽ ڪنهن به غيرمعمولي سرگرمي جو فوري جواب ڏيڻ لاءِ مڪمل طور تي تيار آهي.
اختيارين جو چوڻ آهي ته آخري رسمن ۾ ايران ۽ ٻاهرين ملڪن مان اهم شخصيتن جي وڏي انگ شرڪت جو امڪان آهي، ان ڪري سڪيورٽي ادارن کي خاص هدايتون جاري ڪيون ويون آهن.
تجزيه نگارن موجب تازي علائقائي ڇڪتاڻ ۽ سيڪيورٽي خدشن کي نظر ۾ رکندي ايران پنهنجي اعليٰ قيادت جي جنازي جي موقعي تي ڪنهن به اڻوڻندڙ واقعي کان بچڻ لاءِ غير معمولي حفاظتي اپاءَ وٺي رهيو آهي.
ايراني اختيارين عوام کي اپيل ڪئي آهي ته هو سيڪيورٽي ادارن سان مڪمل تعاون ڪن ۽ جشن دوران جاري ڪيل هدايتن تي عمل ڪن.
