پيرس ۾ اختيارين ايفل ٽاور تي فلسطيني جهنڊو ڏيکارڻ تي 6 ڄڻن کي گرفتار ڪري ورتو.
فرانسيسي پوليس ذريعن موجب واقعو جمعي تي پيش آيو جڏهن ايفل ٽاور جي پهرين منزل تان وڏو فلسطيني جهنڊو لڙڪايو ويو. آفيسرن جو چوڻ آهي ته اهو قدم بغير اجازت جي ڪيو ويو.
ماحولياتي سرگرم گروپ ERF ان عمل جي ذميواري قبول ڪئي، چيو ته اهو فلسطينين سان يڪجهتي ڏيکارڻ جو مقصد هو.
تنظيم جي نمائندي موجب احتجاج ذريعي غزه ۾ جاري صورتحال ۽ فلسطيني علائقن ۾ مبينا ماحولياتي تباهي ڏانهن ڌيان ڇڪائڻ جي ڪوشش ڪئي وئي.
رپورٽ موجب اهو احتجاج يوم نقبه جي موقعي تي ڪيو ويو، جيڪو 1948ع ۾ فلسطينين جي بي دخليءَ جي ياد ۾ ڪيو ويو.
واقعي جون تصويرون ۽ وڊيوز سوشل ميڊيا تي تيزي سان وائرل ٿي رهيون آهن، جن ۾ ايفل ٽاور تي فلسطيني جهنڊو لٽڪيل ڏسي سگهجي ٿو.
ياد رهي ته گذريل سال به ايفل ٽاور تي اسرائيل ۽ فلسطين ٻنهي ملڪن جي جهنڊن سان گڏ امن جي علامت ڪبوتر ۽ زيتون جي شاخ جون تصويرون به لڳايون ويون هيون.
