گڏيل قومن ۾ افغانستان جي وقتي نمائندي نصير احمد فائق طالبان حڪومت کي هٿي وٺرائي ان کي دهشتگرد، غير قانوني ۽ عوام دشمن قرار ڏنو.
افغانستان جي وقتي نمائندي گڏيل قومن ۾ سيٽ لاءِ طالبان حڪومت جي دعويٰ کي واضح طور رد ڪري ڇڏيو آهي.
سوشل ميڊيا ويب سائيٽ ايڪس تي طالبان حڪومت تي تنقيد ڪندي قائم مقام افغان نمائندي چيو ته گڏيل قومن ۾ نمائندگي انهن حڪومتن جو آئيني ۽ جائز حق آهي جيڪي عوام جي خواهشن جي بنياد تي اقتدار ۾ آيون آهن.
نصير احمد فائق موجب گذريل 5 سالن ۾ طالبان حڪومت نه افغان عوام جا جائز مطالبا مڃيا آهن ۽ نه ئي عالمي برادري جي پرواهه ڪئي آهي. هن چيو ته عالمي دهشتگرد گروپن جي سرپرستي ۽ حمايت سبب افغانستان ۽ خطي ۾ امن امان جي صورتحال وڌيڪ خراب ٿي آهي.
هن چيو ته افغانستان ۾ ڪو به جائز قومي نظام ناهي، ڪرپشن، بيروزگاري، ٽارگيٽ ڪلنگ ۽ دهشتگردي عروج تي پهچي چڪي آهي. نصير احمد فائق طالبان حڪومت کان سوال ڪيو ته هو ڪهڙي بنياد تي گڏيل قومن ۾ سيٽ گهرن ٿا؟
ماهرن موجب افغان وفد جو اهو سخت رد عمل عالمي برادري جي مسلسل بي اعتمادي ۽ طالبان جي حڪومت جي طرز حڪمراني تي سنگين خدشن جي عڪاسي ڪري ٿو. طالبان جي حڪومت جي ضد افغانستان کي بين الاقوامي اڪيلائي، معاشي بحران ۽ انسانيت جي مسئلن جي هڪ پيچيده دوري ڏانهن ڌڪي ڇڏيو آهي.
