ڪراچي:
ايل پي جي جي قيمت ملڪي تاريخ جي بلند ترين سطح 500 رپيا في ڪلو تائين پهچي وئي آهي.
هڪ خانگي ٽي وي جي رپورٽ موجب صارفين جو چوڻ آهي ته کين ايل پي جي سرڪاري مقرر ڪيل ريٽ کان 200 رپيا وڌيڪ قيمت تي ملي رهي آهي.
هوڏانهن ايل پي جي ڊسٽريبيوٽرز ايسوسيئيشن جي چيئرمين عبدالهادي خان ان صورتحال تي ڳڻتي جو اظهار ڪيو آهي. هن چيو ته مارڪيٽ ۾ سپلاءِ نه هجڻ ۽ ڊسٽري بيوٽرن جو مهانگو سامان مهانگي اگهه تي وڪرو ٿيڻ جا اهم سبب آهن.
هن وڌيڪ واضح ڪيو ته اوگرا ۽ لاڳاپيل درآمد ڪندڙ ايل پي جي جي مهانگي اگهه تي وڪرو روڪڻ ۾ مڪمل طور ناڪام رهيا آهن، جنهن ڪري بحران وڌي رهيو آهي.
