آمريڪي صدر ڊونلڊ ٽرمپ چيو آهي ته هو ايران ۾ ايٽمي هٿيار استعمال نه ڪندا ۽ ڪنهن کي به انهن جي استعمال جي اجازت نه ڏني ويندي.
ميڊيا رپورٽن موجب پي بي ايس نيوز جي صحافي ليز لينڊرز ايران ۾ ايٽمي هٿيارن جي استعمال بابت سوال ڪيو جنهن تي ٽرمپ جواب ڏنو ته اسان کي ان جي ضرورت ناهي. مون کي ان جي ضرورت ڇو پوندي؟ اهڙو بيوقوف سوال ڇو پڇيو؟ مان ايٽمي هٿيارن کي ڇو استعمال ڪندس جڏهن اسان ان کي مڪمل طور تي روايتي طريقي سان تباهه ڪيو آهي؟
هن وڌيڪ چيو ته ايٽمي هٿيار ڪنهن کي به استعمال ڪرڻ جي اجازت نه ڏني وڃي.
ٽرمپ جو چوڻ آهي ته پوپ کي اهو به سمجهڻ گهرجي ته ايران ايٽمي هٿيار نٿو رکي سگهي.
واضح رهي ته ٽرمپ ڪيترائي ڀيرا چئي چڪو آهي ته جنگ جو مقصد ايران کي ايٽمي هٿيارن جي حاصلات کان روڪڻ آهي.
