اڳوڻي ايراني صدر محمود احمدي نژاد نيويارڪ ٽائمز جي هڪ رپورٽ کي رد ڪري ڇڏيو آهي جنهن ۾ هن تي الزام لڳايو ويو آهي ته هو اسرائيل جي انٽيليجنس ايجنسي موساد پاران ايران ۾ حڪومتي تبديلي جو حصو آهي.
ميڊيا رپورٽن موجب اڳوڻي ايراني صدر گهر ۾ نظربند هجڻ جي دعوائن کي بي بنياد قرار ڏئي ڇڏيو آهي.
احمدي نژاد جي آفيس آمريڪي اخبار تي عوام کي گمراھ ڪرڻ ۽ ايران ۾ اندروني اختلافن کي ڀڙڪائڻ لاءِ من گھڙت رپورٽون شايع ڪرڻ جو الزام لڳايو.
آفيس پڻ انڪار ڪيو ته احمدي نژاد گهر ۾ نظربند هو ۽ چيو ته اهو الزام اخبار جي ”مضحکہ خیز“ دعوائن جي حمايت لاءِ ٺاهيو ويو هو. “اسان واضح طور تي نيو يارڪ ٽائمز پاران لڳايل سڀني مڪمل طور تي غلط الزامن کي رد ڪريون ٿا،” بيان چيو.
ياد رهي ته نيويارڪ ٽائمز ٻڌايو آهي ته موساد گذريل ڪجهه سالن ۾ احمدي نژاد کي اسرائيل سان تعاون ڪرڻ لاءِ قائل ڪرڻ جي ڪوشش ڪئي هئي ۽ کيس ايران جي قيادت لاءِ ممڪن اميدوار طور نامزد ڪيو هو. رپورٽ ۾ اها به دعويٰ ڪئي وئي آهي ته اڳوڻو صدر گهر ۾ نظربند آهي.
