پشاور:
ديربالا ۾ اڻڄاتل ماڻهن گهر ۾ داخل ٿي فائرنگ ڪري ڏني، جنهن جي نتيجي ۾ پيءُ، پٽ ۽ عورت مارجي ويا.
پوليس موجب دير بالا جي علائقي اسبنار ۾ اڻڄاتل هٿياربندن اوچتو گهر ۾ داخل ٿي انڌاڌنڌ فائرنگ ڪئي، جنهن جي نتيجي ۾ 3 ڄڻا موقعي تي ئي مارجي ويا.
شروعاتي اطلاعن موجب پوليس فوتين ۾ پيءُ، پٽ ۽ عورت شامل ٿيڻ جي تصديق ڪئي آهي.
فائرنگ بعد جوابدار موقعي تان فرار ٿيڻ ۾ ڪامياب ٿي ويا. اطلاع ملندي ئي پوليس علائقي کي ڪڙو چاڙهي ثبوت گڏ ڪري ورتا.
واقعي جو ڪيس داخل ڪري جوابدارن جي ڳولا شروع ڪئي وئي آهي ۽ واقعي جي جاچ شروع ڪئي وئي آهي.
