پاڪستان تحريڪ انصاف جي چيئرمين بئريسٽر گوهر پارٽي ميمبرن ۽ سينيٽرن کي بجيٽ جي حمايت ڪرڻ جي هدايت ڪئي آهي.
ايڪسپريس نيوز موجب بئريسٽر گوهر جي دعوت تي اسلام آباد ۾ اهم مشاورتي اجلاس ٿيو، جنهن ۾ عامر ڊوگر ۽ جنيد اڪبر سميت پارٽي قيادت شرڪت ڪئي.
اجلاس ۾ بنون حملي جي سخت مذمت ڪئي وئي، شهيدن جي لاءِ مغفرت جي دعا ڪئي وئي ۽ اعجاز چوڌري، محمود الرشيد، عمر چيما ۽ ياسمين راشد جي سزائن تي افسوس جو اظهار ڪيو ويو.
اجلاس ۾ باني چيئرمين جي فوري برطرفي لاءِ مختلف آپشنز تي غور ڪيو ويو، جڏهن ته بجيٽ اجلاس کانپوءِ فوري طور تي اسلام آباد ۾ اعليٰ سطحي اجلاس سڏائڻ جو فيصلو ڪيو ويو.
پي ٽي آءِ ذريعن موجب مخالف ڌر اڳواڻ قومي اسيمبلي ۽ سينيٽ ۾ محمود خان اچڪزئي ۽ علامه ناصر عباس جي اسلام آباد ۾ ممڪنه اعليٰ سطحي اجلاس ۾ شرڪت جو امڪان آهي.
ذريعن جو چوڻ آهي ته اسلام آباد اجلاس ۾ باني چيئرمين جي آزادي لاءِ موثر ۽ جامع ايڪشن پلان تيار ڪيو ويندو، جڏهن ته بئريسٽر گوهر اسيمبلي ميمبرن کي بجيٽ جي حمايت ڪرڻ جي به هدايت ڪئي.
بئريسٽر گوهر چيو ته خيبرپختونخواهه اسيمبلي ۽ صوبائي حڪومت باني چيئرمين جي امانت آهي.
