بابر اعظم جي ٽي 20 ڪپتان طور واپسي کي رد ڪري ڇڏيو آهي.
تفصيل موجب بابر اعظم پي ايس ايل 11 ۾ 588 رنسون اسڪور ڪري فخر زمان جو رڪارڊ برابر ڪري ڇڏيو، پشاور زلمي به سندس قيادت ۾ ٽائيٽل کٽي ورتو.
افواهون تڏهن کان گردش ڪري رهيون آهن ته پي سي بي سلمان علي آغا کي هٽائي بابر اعظم کي ٻيهر ٽي 20 ڪپتان بڻائڻ تي غور ڪري رهيو آهي، جڏهن بورڊ جي هڪ سينئر شخصيت کان ان بابت پڇيو ويو ته هن نه ۾ جواب ڏنو.
ذريعن جو چوڻ آهي ته في الحال ٿنڪ ٽينڪ اهڙو ڪو به ڪم ناهي ڪيو، آءِ سي سي چيمپيئن شپ ۾ بهتر نتيجا حاصل ڪرڻ لاءِ سڀني جو ڌيان ٽيسٽ ميچن تي آهي، ٽي 20 جو وقت اچڻ تي سوچيو ويندو.
ذريعن جو چوڻ آهي ته ٽي 20 نوجوانن جي راند آهي، جيڪي جديد انداز ۾ کيڏندا آهن، انهن کي اوليت ڏني ويندي ته هو ان کي آزمائڻ لاءِ. ماضي ۾ وائيٽ بال ڪوچ مائيڪ هيسن به بابر اعظم کي ٽي 20 ۾ کيڏڻ جي مخالفت ڪئي هئي پر هن سال ان باوجود کيس ورلڊ ڪپ اسڪواڊ ۾ شامل ڪيو ويو.
اڳوڻي ڪپتان 6 ميچن ۾ رڳو 91 رنسون اسڪور ڪيون، ٽيم جي ڪارڪردگي به غير معياري هئي، تڏهن به پي ايس ايل جي بنياد تي بابر کي ڪپتان بڻائڻ آسان ناهي.
اسٽار بيٽسمين جو ٽي 20 انٽرنيشنل ۾ اسٽرائڪ ريٽ 128 آهي، جڏهن ته هن تازو سپر ليگ ۾ 146 جي اسٽرائڪ ريٽ تي رنسون ٺاهيون.
ياد رهي ته بابر اعظم آخري ڀيرو ٽي ٽوئنٽي ورلڊ ڪپ 2024ع ۾ قيادت سنڀالي هئي، ان کانپوءِ محمد رضوان ۽ پوءِ سلمان علي آغا ڪجهه ميچن ۾ اهو فرض سرانجام ڏنو هو.
سلمان جي دور ۾ پاڪستان 50 مان 31 ميچن ۾ ڪاميابي حاصل ڪئي پر بيٽنگ ۾ سندن ڪارڪردگي اميدن مطابق نه رهي.
بابر جي ڪپتاني ۾ ٽيم 85 مان 48 ميچون کٽيون.
واضح رهي ته پاڪستاني ٽيم جي ايندڙ ٽي ٽوئنٽي سيريز آڪٽوبر ۾ سريلنڪا خلاف ٽن ميچن جي سيريز کيڏندي.
