پشاور:
خيبرپختونخواهه ۾ بجلي جو ڊگهو بريڪ ڊائون جاري آهي، جنهن تي پيسڪو ترجمان چيو آهي ته هي قدم جنريشن شارٽ فال جي ڪري کنيو ويو آهي.
پيسڪو ترجمان جو چوڻ آهي ته جبري لوڊشيڊنگ جو مقصد صارفين کي خام تيل مان پيدا ٿيندڙ بجلي جي اضافي بلن کان بچائڻ آهي. هن چيو ته گذريل ڪجهه سالن ۾ عالمي صورتحال کي نظر ۾ رکندي خام تيل جي قيمتن ۾ اضافو ٿيو آهي، جنهن سبب بجلي جي پيداوار به متاثر ٿي آهي.
جاري ڪيل بيان ۾ هن چيو ته جنريشن شارٽ فال سبب بجلي جي طلب وڌي وئي آهي جڏهن ته سپلائي گهٽ ٿي وئي آهي. هن وقت پيسڪو جي ڪل طلب 2000 ميگاواٽ آهي جڏهن ته سپلائي 1351 ميگاواٽ تائين محدود آهي، جنهن سبب طلب ۽ رسد ۾ واضح فرق آهي.
ترجمان چيو ته ان فرق سبب شيڊول کان علاوه 3 کان 4 ڪلاڪ اضافي لوڊشيڊنگ ڪئي پئي وڃي. تنظيم ڪوشش ڪري رهي آهي ته گهٽ ۾ گهٽ لوڊ مينيجمينٽ ڪيو وڃي ته جيئن گراهڪن کي وڌيڪ پريشاني کي منهن نه ڏيڻو پوي.
ترجمان جو وڌيڪ چوڻ هو ته جيئن ئي جنريشن شارٽ فال ختم ٿي ويندو تيئن ئي جبري لوڊشيڊنگ به ختم ٿي ويندي. هن صارفين کي هدايت ڪئي ته هو بجلي جي ڪنهن به شڪايت جي صورت ۾ 118 تي رابطو ڪن.
