فيڊرل انويسٽيگيشن ايجنسي (ايف آءِ اي) جعلي نڪاح جي دستاويزن تي پرڏيهه وڃڻ جي ڪوشش ناڪام بڻائيندي عورت مسافر کي آف لوڊ ڪري ڇڏيو. ايف آءِ اي ترجمان موجب عمان ويندڙ عورت ڪراچي ايئرپورٽ تي مقرر اميگريشن عملي کي شڪي ۽ جعلي خانداني دستاويز پيش ڪيا. هن چيو ته عورت دعويٰ ڪئي ته هن عمان ۾ رهندڙ پاڪستاني شهري سجاول سان شادي ڪئي هئي. عورت ٻڌايو ته سندس شادي هڪ سال اڳ ٿي هئي پر جي آر ڪوڊ جي تصديق دوران پيش ڪيل نڪاح جو سرٽيفڪيٽ شڪي ثابت ٿيو جنهن جي تصديق نه ٿي سگهي. ايف آءِ اي ترجمان موجب عورت پنهنجي مبينا مڙس ۽ سسر بابت بنيادي معلومات فراهم نه ڪري سگهي ۽ جاچ دوران بيانن ۾ تضاد به سامهون آيو. هن چيو ته غير اطمينان بخش ڄاڻ جي بنياد تي آف لوڊ ٿيل عورت مسافر کي وڌيڪ قانوني ڪارروائي لاءِ اينٽي هيومنٽيرين سرڪل ڪراچي منتقل ڪيو ويو آهي.
Source link
Leave a Comment Leave a Comment
