يورپي چيمپيئن اسپين ايندڙ فٽبال ورلڊ ڪپ لاءِ پنهنجي 26 رڪني اسڪواڊ جو اعلان ڪري ڇڏيو آهي، جنهن ۾ حيران ڪندڙ ڳالهه اها آهي ته ريئل ميڊرڊ جو هڪ به رانديگر شامل ناهي.
اهو اسپين جي تاريخ ۾ پهريون ڀيرو آهي ته ٽيم ريئل ميڊرڊ جي رانديگر کانسواءِ ورلڊ ڪپ ۾ شرڪت ڪندي.
هيڊ ڪوچ Luis de la Fuente پنهنجي ٽيم کي گهڻو ڪري بارسلونا جي رانديگرن تي ٻڌل آهي.
اسڪواڊ ۾ بارسلونا جا 8 رانديگر شامل آهن، جن ۾ لامين يامل، پيڊري، گيوي، داني اولمو ۽ فيران ٽورس شامل آهن.
ٻئي طرف ريال ميڊرڊ جا اهم نالا جهڙوڪ ڊيان هيوسن ۽ ڊيني ڪارواجل به اسڪواڊ ۾ جاءِ نه ٺاهي سگهيا.
ڪوچ ڊي لا فوئنٽي فيصلي جي وضاحت ڪندي چيو ته سندس لاءِ رانديگرن جو تعلق ڪنهن ڪلب سان نه پر قومي ٽيم سان آهي.
هن چيو ته هو رڳو اهڙا رانديگر چاهين ٿا جيڪي اسپين جي نمائندگي ڪرڻ تي فخر محسوس ڪن.
پريميئر ليگ جي 7 رانديگرن کي به اسڪواڊ ۾ شامل ڪيو ويو آهي.
ڪوچ لامين يامل ۽ نيڪو وليمز جي زخمن تي به اطمينان جو اظهار ڪندي چيو ته ٽورنامينٽ جي شروعات تائين سمورا رانديگر مڪمل طور تي فٽ ٿي ويندا.
