جمعيت علماءِ اسلام (جي يو آءِ) بلوچستان جي صوبائي امير مولانا عبدالواسع جي اسڪواڊ سان تعلق رکندڙ اينٽي ٽيررسٽ فورس (اي ٽي ايف) جي گاڏي ۽ ڪرين وچ ۾ ٽڪر ٿي پيو. پوليس موجب، حادثو مهتر زئي مين واري علائقي ۾ پيش آيو، جنهن جي نتيجي ۾ هڪ سڪيورٽي اهلڪار شهيد ۽ 4 اهلڪار زخمي ٿي پيا. حادثي کانپوءِ فوري طور تي امدادي ڪارروايون شروع ڪيون ويون ۽ زخمين کي فوري طبي امداد ڏني وئي. پوليس موجب مارجي ويل اهلڪار جو لاش ۽ زخمين کي وڌيڪ علاج لاءِ ڪوئيٽا منتقل ڪيو ويو آهي، جتي زخمي اهلڪارن کي طبي سهولتون فراهم ڪيون پيون وڃن. واقعي کانپوءِ لاڳاپيل اختيارين حادثي جا سبب معلوم ڪرڻ لاءِ جاچ شروع ڪري ڇڏي آهي. پوليس جو چوڻ آهي ته حادثي بابت وڌيڪ جاچ ڪئي پئي وڃي.
Source link
Leave a Comment Leave a Comment
